ანი მწარიაშვილი-განათლების, ჰუმანიტარული და სოციალური მეცნიერებების სტუდენტი მონაწილეობდა Erasmus+გაცვლით პროგრამაში.

გაიცანით IBSU-ს სტუდენტი ანა მწარიაშვილი, რომელმაც გაცვლითი პროგრამით ერთი სემესტრი  პოლონეთში ისწავლა.

”  პოლონეთში, მაზოვის აკადემიაში გაცვლითი სემესტრი ჩემი სტუდენტობის გამორჩეული ეტაპია, რომელმაც განსხვავებული პერსპექტივიდან დამანახა სტუდენტური ცხოვრება.

ჩემი Erasmus+ გამოცდილების ერთ-ერთი მთავარი მიღწევა იყო ევროპული განათლების სისტემის უშუალოდ გაცნობა, მისივე საბაზისო ღირებულებებისა და სტანდარტების პარალელურად. მიმაჩნია, რომ ეს გამოცდილება იყო მთავარი მომენტი ჩემს პიროვნულ, აკადემიურ და პროფესიულ განვითარებაში, რომელმაც დიდი როლი ითამაშა სხვადასხვა გამოწვევების დამოუკიდებლად გადალახვის უნარების გამომუშავებაში და დამეხმარა სხვა საერთაშორისო სტუდენტებთან და პროფესორებთან მჭიდრო კავშირების დამყარებაში.

ხაზგასმით უნდა აღვნიშნო შავი ზღვის საერთაშორისო უნივერსიტეტის მნიშვნელოვანი როლი იმ აუცილებელი უნარ-ჩვევებისა და ცოდნის გაზიარებაში, რამაც ხელი შეუწყო ჩემს წინსვლას საზღვარგარეთ გაცვლითი სემესტრის განმავლობაში. განსაკუთრებული მადლობა საერთაშორისო ურთიერთობების ოფისს ასეთი უნიკალური შანსისთვის და ფასდაუდებელი დახმარებისა და მხარდაჭერისთვის.

 Erasmus+გაცვლითი პროგრამა ცალსახად წარმოადგენს ერთ-ერთ იმ უმნიშვნელოვანეს ცხოვრებისეულ გამოცდილებას, რომელიც ამდიდრებს სტუდენტურ ცხოვრებას, აფართოებს ადამიანის ჰორიზონტს და ხსნის ახალ პერსპექტივებს, ამიტომ მე მოვუწოდებ ჩვენს სტუდენტებს, ჩაერთონ გაცვლით პროგრამაში.”