ამერიკისმცოდნეობის სტუდენტები ნატოსა და ევროკავშირის სამიტს დაესწრნენ

IBSU-ს ამერიკისმცოდნეობის პირველი კურსის სტუდენტები, ანანო გოგია და საბა ფრუიძე დიპლომატიური ვიზიტით ესტონეთში, ნატოსა და ევროკავშირის ორდღიან სამიტზე იმყოფებოდნენ, სადაც მონაწილეებს სიტყვით მიმართეს. 

სამიტის ფარგლებში სტუდენტები შეხვდნენ ესტონეთის პრეზიდენტს, ამერიკის ელჩს ესტონეთში, სხვადასხვა ქვეყნის ელჩებს, ნატოსა და ევროკავშირის წარმომადგენლებსა და დელეგატებს.

სამიტზე განიხილეს მნიშვნელოვანი მოვლენები, როგორებიცაა რუსეთ-უკრაინის ომი, ომის გავლენა მსოფლიოზე და უკრაინის ნატოში შესვლის პერსპექტივა.